睡前為孩子講故事

​

藉著故事的力量

幫助孩子

更容易適應在春苗的生活

​

喺好耐好耐以前，有一隻小狗同佢嘅媽媽日日都喺埋一齊，佢哋好鍾意大家，會一齊去花園散步，一齊食嘢，一齊玩遊戲。

​

有一日，小狗同佢媽媽講，佢覺得有啲悶，佢想出去識啲新朋友。於是媽媽話，你已經準備好啦，太好啦，咁我帶你去農場嗰個農夫嗰度啊，嗰度有好多動物可以同你一齊玩架。

 

於是媽媽就帶着小狗去搵農夫，媽媽話我哋屋企呢隻小狗已經準備好啦，佢好勇敢架，佢想去農場度同啲其他動物一齊玩。農夫話，可以啊。於是農夫將農場嘅門打開，小狗就跟住農夫行入去，不過佢都有少少緊張，佢行返轉頭攬住媽媽，媽媽話你大個㗎啦，你可以架。於是小狗就鼓起勇氣跟住農夫入咗去農場玩啦。而媽媽就去咗做佢要做嘅嘢。

 

小狗見到好多動物，有馬仔（咩咩），牛仔（moo moo)，豬仔（oink oink)，貓貓（ meow meow ），老鼠（吱吱)，青蛙（刮刮）。小狗好開心呀，佢同所有嘅動物一齊玩玩具，一齊唱歌，仲一齊食飯。過咗冇幾耐，媽媽就返嚟接佢啦，小狗好開心見到媽媽，佢上前攬住媽媽，然後小狗就同媽媽一齊返屋企啦。返到屋企，佢同媽媽一齊食完飯，媽媽又讚佢做得好好呀，係一隻好勇敢嘅小狗喎。之後小狗就同媽媽一齊瞓着咗覺啦。