心靈故事

小蜜蜂去花園

作者: 鄭美能 Pinky Cheng 

喺好耐好耐以前,有一群小蜜蜂佢哋好鍾意每一日都離開佢哋個蜂巢然後就一齊飛去農場隔離個花園嗰度採花蜜。

 

呢個花園好靚㗎,有好多唔同顏色嘅花,佢哋一邊喺度收集美味嘅花蜜,一邊喺度唱歌跳舞,有時有仲同埋其他朋友一齊玩遊戲,所以佢哋每一日都過得好開心。

Zooma Zooma Zee

(La  La  So  So  Fa)

Busy   little     bees

(LaLa   SoSo  Fa)

What you have made for    me?

(Do’   Do’  Do’   Ra’      Ra’  Do’)

What   I      will   make

(Do’  Do’  Do’  La)

We will see

(So  La   Do’)

Zooma Zooma Zee

(La  La  So  So  Fa)

不過有一日,當佢哋準備出發想去呢個花園嘅時候,有一隻大嘅蜜蜂哥哥就嚟同佢講:

"我哋暫時唔可以去花園果道玩同埋採花蜜啊"

其他小蜜蜂都覺得好奇怪,佢哋問呢個蜜蜂哥哥:

"點解"呀?

蜜蜂哥哥話:

"花園外面最近生咗好多有刺嘅草啊,如果我哋飛過去,經過啲草堆嘅時候一定會比啲有刺嘅草𠝹傷㗎。所以我哋唔可以去花園住啦,希望農夫盡快幫忙將所有有刺嘅草清除,之後我哋先至再去嗰度玩啦"

於是,所有蜜蜂仔佢哋都留咗係屋企附近嗰度玩同埋採花蜜,不過佢哋其實好想快啲可以返去農場隔離個花園度玩,好想見返其他好朋友㗎!

過咗冇幾耐,有一個朝早,蜜蜂哥哥終於返嚟同佢哋講話:

 

"好消息呀!好消息呀!我哋可以出返去花園嗰邊玩呀,農夫已經將嗰啲有刺嘅草清除曬,我哋唔會比啲有刺嘅草𠝹傷㗎喇!"

所有小蜜蜂聽到都好開心,於是佢哋就一齊再次飛過去農場隔離個花園度玩同埋採花蜜。呢個花園真係好靚,而且仲有好多唔同顏色嘅花。

之後嘅每一日,每隻小蜜蜂都喺花園度搵到好多好好味嘅花蜜,而且仲同所有嘅朋友喺埋一齊玩得好開心。

Zooma Zooma Zee

(La  La  So  So  Fa)

Busy   little     bees

(LaLa   SoSo  Fa)

What you have made for    me?

(Do’   Do’  Do’   Ra’      Ra’  Do’)

What  I      will   make

(Do’    Do’  Do’  La)

We will see

(So  La   Do’)

Zooma Zooma Zee

(La  La  So  So  Fa)

©2014 by Spring Child

免費學習
教你兒童 身 心 靈 成長需要

29 HOMANTIN Street, HOMANTIN, Kowloon, Hong Kong